Khuaruahhar a si mi kan sianginn he pehtlai in theihnak, hngalhnak a hram pi a si mi kan website in kan in don hna. Kan nih cu fek te in a dir cang mi, kum 50 Sui Jubilee conglawmhnak zong naite ah a lawm mi kan si. Kan pawngkam kan umnak parish he a fek mi pehtlaihnak kan ngei i sianginn zatlangbu nih lungduh in fawite in an luh khawhmi biakinn pakhat a hmun ah kan ngei. Kan sianginn vision, "Catholic Zumhnak Ceunak chung ah Cawn, Pehtlaih, le Nun" nih zumhnak in tthancho a biapitnak kha a kan theihter than.

Kan nih cu biaknak vialte thelhchih mi kan si i mah bantuk a dang dang si nak nih kan zatlang nunnak ah a chuahpimi rumnak kha a cohlang i a sunsak mi kan si. Kan cawnnak le cawnpiaknak lei fuh mi lam cu siangngakchia pakhat cio an herhmi tlinter ding ah pumpak cio caah ser le kan cawnpiakning phunglam pawl pehzulh tein tharchuah lengmang nak lei kan i pumpeknak cu kan cawnnak lei aa pehtlaimi aphichuak ah a lang.  

Kan sianginn nih kan zumh mi cu ngakchia a cawnnak pawngkam nih hin an cawnnak hmuhtonnak dihlak cung ah thil biapi a simi, sullam a ngei mi a chuahpi ti hi asi.  Innchung le innleng a hmun hnih te zong ah a nuammi hmunhma kan tuah piak hna. Senior Learning (Upa pawl cawnnak) Centre thar zong naite ah kan sak, cu ka ahcun sianginn khaan nganpi paruk le chanthar Visual Arts khaan a um. Mah pin ah cun, lentecelhnak hmun thar pawl upa deuh pawl i celhnak, a no deuh pawl basketball celhnak hmun le Ninja circuit hna zong kan sak cuahmah lio pi asi. 

Kan Wellbeing phu cu bawmtu tling tha tein a ngei mi an si, Cawnnak aphunphun lei in  hruaitu pahnih, Wellbeing(lungtlinhnak le ngandamnak) lei Hruaitu pakhat, le Cawnnak Bawmtu Riantuantu 20 leng an si hna. Caantling in riantuantu (Psychologist)  lungthin lei sibawi le caan cheu riantuantu Speech Therapist (biachim cawnpiaktu ) zong kan ngei. Hi phu nih hin sianginn khaan chung ah le kan Wellbeing Hub, siangngakchia pawl nih an herh caan ah kal khawhnak hmun an chiahpiak mi, mah hmuh hnih ah rian an tuan.  

Siangngakchia hna cu sianginn nunnak ah tling tein an i tel ve dingin forhfial an si. Kapkip in a tling mi fimcawnnak an ngeih khawhnak ding caah a thawng mi lentecelhnak lei cawnnak, Zuksuai  (arts ) lei zong ah a herhmi pek an si. 

Kan sianginn nih zatlangnunnak lei ah thawng ngai in hngalhnak a ngei mi kan si i kan chungkhar hna kha Community Hub hmangin kanmah he i pehtlaihnak tha ngeih ding ah thazaang pek le forfial an si.  Principal pakhat dirhmun in, pakhat le pakhat, cun zatlangbu kau deuh he kan i pehtlaihnak thawngin kan zumhnak nunpi a biapitnak hi a si tak ko tiah  ka cohlan.

Kan website ah na kan len caah kan i lawm, cun kan sianginn ah nan mah ton ding le don ding ah kan i ruahchan ko.